«(¯`v´¯)_&^ SHaBaB Cool ^&_ (¯`v´¯)»

SH@B@B COOL
 
الرئيسيةبحـثالتسجيلالأعضاءالمجموعاتس .و .جدخول


شاطر | 
 

 مصطلحات شبابية اخــــ حاجه ــر

اذهب الى الأسفل 
كاتب الموضوعرسالة
elfor3on
سوبر مشرف
سوبر مشرف
avatar

ذكر
عدد الرسائل : 241
العمر : 23
Localisation : فى قلب تامر حسنى واكيد الاسكندريه
Emploi : elfor3on.yoo7.com
Loisirs : رومانتك
تاريخ التسجيل : 20/05/2007

مُساهمةموضوع: مصطلحات شبابية اخــــ حاجه ــر   الثلاثاء يوليو 21, 2009 8:24 am



مصطلحات طحن أخــ حاجه ــر
ـــــــــــــــ
أنا جايبالكوا شوية مصطلحات منتشرة واختارت اللي غالبا بقولهم مع صحابي بس علشان الباقي يعرف
بس مصطلحات أية موز موز موز علي رأي عمرو أديب
ــــــــــــــــــــــــــــــــــــــــــــ


في الامبالايز

دي يعني مثلا لما نقول الحياة في الامبالايز او المشوار ده في الامبالايز يعني المشوار ده طلع فاشوش او الحياة ليس لها معني.

اضرب واحد ...كشري,,,
ده مصطلح عسول خالص بيتقال كتير يعني هاكل هشرب من الأخر بييجي مع مصطلحات الأكل.
استمورننج

يعني اعمل ألاصطباحه يعني يا معلم تضرب كوباية الشاي المهم تظبط دماغك بطريقتك عالصبح زي ما تحب ولو مدمن تضربلك قرش كابتشينو عادي ومصدرها من اللغة الإنجليزية morning.
اوك عليكي

دي بقي مش كتير يعرفها جديدة بس حلوة بدل اوك بس بقت اوك عليك بتتقال مع الناس الرقيقة والصبيان الرقيقة بردو او المسترقه.

حبااااااال

دي بقي محدش يعرفها غير 4 بنات ودكتورة ههههه بس انا قررت انشرها المهم دي يعني شكلك وحش لما تتحرج اوي او تتحط في موقف وحش فالناس تقولك شكلك حباااااال المهم ان الكلمة دي محدش يعرف مصدرها.

بيترسم علينا

يعني الشخص ده شايف نفسة اوي وعامل فيها ياما هنا ياما هناك او فشار انا شخصيا بحب المصطلح ده وبقولة كتير لانه استخدماته كتير.

بيمرهم

يعني انت يا باشا كده لما تبقي خارج فتقوم تبوس بابا علشان كمان شوية تقولة هات فلوس ويوافق او مثلا كل شوية تطلب من زميلتك المحاضرات تتحجج أي الحجج دي اسمها تمرهما.

انزل من علي وداني

دي بتتقال للرغايين اوي يعني بيبقي واقف علي ودانك وزنان من كتر الكلام وبتسكته كده.

بتتنطط عليا

دي بنت عم بتترسم عليا بس دي ممكن يكون واحد جبان ويقولك انا هعمل وهعمل فيك انت بقي تقولة انت بق وبتتنطط عليا وكده لحد ماتوصل للدم.


فيصت
دي تدل علي كمية التعب والاجهاد بتبقي مثلا قاعد عالنت طول اليوم فلما تتعب بتقول فيصت بس انا بقي اموت واعرف مصدرها.


مبياكولش معايا

مش المقصود بيها الأكل لا دي يعني حد بيترسم بردو وانت ميهمكش منه او مش بتخاف من كده فتقولة الكلام ده ياحبيبي مبياكولش معانا معظم المصطلحات عن الناس اللي بتترسم اصلهم كتير اليومين دول.


نتسنكح

يعني نتمشي نخرج يعني بس خروج بلا هدف هنتفرج عالناس بس والمحلات.دبلره
يعني بعد الشر انك تكرر الحاجه او تعيد سنه بعد الشر عالكل وده مصدرة من كلمة دوبل اوdouble من اللغة الإنجليزية.
جبت جاز

يعني فصلت او فيصت كل ده هيه هيه بس مبحبش اقولها لان ريحتها وحشة هههههه.

[color:bd07=brown
تربنه

انا اعتقد أنها يعني دماغك تلف بس انا معرفهاش اللي يعرفها يبقي يقول بس موضعها لما تدوخ مثلا او حاجه عملتلك قلق تقول عملتلي تربنه.

سسسسسسسسسس

دي بقي بتتقال للحقد من طرف لطرف اخر يعني مثلا واحده قاعده مع خطيبها والتانية تقولها سسسسسس ال يعني ماشية معاكي بس اعتقد انها حقد عليها ههههههه
بس انا بردو بقولها ههههههه بس من غير حقد لأني مش عايزة أتخطب دلوقتي.

سلاموز ياموز
والله يخليكوا اللي يعرف مصدرها او معاناها يقول هيه شكلها مجرد كلمه شكلها حلو وتداولوها الشباب.
دوس

علي رأي عمكم حماقي لما قال دوس خد قرار بصراحة هوة حطها في موضعها الصحيح يعني من الأخر خليك جريء او لو متردد لا اعمل الحاجه هيه كده.

اسرح

دي بقي كتير بتحصل انك تسرح باللي قدامك يعني تكدب او تفضل تحكي في كلام محصلش او تقول للدكتور اصل العربية عطلت بينا دي يعني بتسرح بيه زى مارفي علي طول العربية بتعطل بيها دي صاحبتي.

موزة

طبعا كلكم هتفتكروها البنت الشيك وكده لالا انا اقصد انها نوع من الفاكهه اصفر اللون طعمه لذيذ جدا جدا.
ــــــــــــــــــــــــــــــــــــــــــــــــــ ــــــــــــ

_________________

ونك احد أعضاء هذا المنتدى فأنت مؤتمن ولك حقوق وعليك واجبات
ليس العبرة بعدد المشاركات !
وانما ماذا كتبت وماذا قدمت لإخوانك الأعضاء والزوار..كن مميزا
في أطروحاتك..صادقاً في معلوماتك..محباً للخير...
مراقباً للمنتدى في غياب المراقب...
مشرفاً للمنتدى في غياب المشرف...هذا المنتدى منكم واليكم
في حال واجهتك اي مشكلة رجاء قم بمراسلتي
elfor3on.2009@yahoo.com
dreem_love27@yahoo.com
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://elfor3on.yoo7.com
nada
ادارة
ادارة
avatar

انثى
عدد الرسائل : 98
العمر : 27
Localisation : alex
Emploi : student
Loisirs : crossword&sodoko
تاريخ التسجيل : 07/04/2007

مُساهمةموضوع: رد: مصطلحات شبابية اخــــ حاجه ــر   الثلاثاء يوليو 28, 2009 5:37 pm

منك نستفيد ده انت بقيت مترجم كويس جدااااااا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مصطلحات شبابية اخــــ حاجه ــر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
«(¯`v´¯)_&^ SHaBaB Cool ^&_ (¯`v´¯)» :: FUNYHAT-
انتقل الى: